O Concello de Sarria organiza, xunto coa Asociación Peleriños, a segunda edición dos bautizados como “Cantos de taberna pequenos“. A actividade comezará o sábado 6 de abril ás 18:00 h. cunha ruada por Sarria percorrendo as tabernas do Malecón e rematará ás 19:30 h. co espectáculo “Consertasso na horta” de Brais das Hortas. Este espectáculo para todos os públicos terá lugar ao final do Malecón.
Os grupos participantes na ruada con visita ás tabernas son a A.C. Peleiriños e Aula de Música Tradicional do Concello do Incio, e tamén a A.C. Val de Láncara.
DESFILE DE ENTROIDO
Para o domingo 7 de abril está programado o desfile de entroido, evento que no seu día tivo que ser adiado por mor das condicións meteorolóxicas. A saída será ás 17:00 h. dende a Feculeira, continuando o percorrido pola Rúa da Liberdade, Rúa Diego Pazos, Rúa Matías López e remate na Praza da Vila ás 19:00 h.
Amenizará DJ-Tibu e farase entrega de premios ao rematar o desfile.
