HomeComarca de SarriaSarriaCiberseguridade e delitos informáticos, temas centrais das Xornadas Xurídicas de Sarria

Ciberseguridade e delitos informáticos, temas centrais das Xornadas Xurídicas de Sarria

Celébranse entre os días 12 e 14 de xuño, na Casa da Cultura da localidade, e pódense seguir de forma presencial ou en directo a través da canle de YouTube dos servizos audiovisuais da Deputación de Lugo.

Publicado o

POR
Redacción
- Advertisement -

Este mércores 12 de xuño celebrábase a inauguración das XVII Xornadas Xurídicas Román García Varela de Sarria no salón de Actos da Casa da Cultura, acto no que estiveron presentes o Deputado de Promoción Económica e Social, Pablo Rivera Capón; o Alcalde da localidade, Claudio Garrido; o presidente do Tribunal Superior de Xustiza de Galicia, José María Gómez y Díaz-Castroverde; o Conselleiro de Presidencia, Xustiza e Deportes, Diego Calvo; e a directora da UNED en Lugo, Ana Traseira.

“Vivimos nun mundo cada vez máis dixitalizado, onde as novas tecnoloxías, como a intelixencia artificial, son parte esencial das nosas vidas. Esta transformación dixital trae consigo grandes oportunidades, pero tamén novos retos e ameazas”, sinalou o Deputado provincial Pablo Rivera. Incidiu Rivera Capón que “a ciberseguridade non é só unha cuestión técnica, senón un asunto fundamental que afecta á nosa privacidade, á nosa economía e á nosa seguridade nacional”.

Pablo Rivera aproveitou tamén a ocasión para falar da creación da Axencia Española de Supervisión da Intelixencia Artificial (AESIA), que ten ”un papel crucial na regulación e supervisión, asegurando que o seu desenvolvemento e aplicación se realicen cos máis altos estándares de seguridade e ética”.

COMO SEGUIR AS XORNADAS?

As XVII Xornadas Xurídicas de Sarria celébranse entre hoxe e o vindeiro venres, 14 de xuño, na Casa da Cultura da localidade, e pódense seguir de xeito presencial ou en directo a través de YouTube grazas á retransmisión realizada polo TIC Servizo de Audiovisuais da Deputación de Lugo.

A dirección corre a cargo do Avogado D. Carlos Lema Devesa, catedrático de Dereito Mercantil da Universidade da Comunidade de Madrid, e D. Román García-Varela Iglesias, letrado da Administración de Xustiza, podendo descargar o programa das xornadas na páxina web do Concello de Sarria.

Un ano máis, as conferencias que se imparten terán recoñecemento universitario, de maneira que o alumnado da UNED de Lugo obterá o equivalente a 10 horas lectivas.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...