No acto, celebrado no Salón de Actos do Pazo de San Marcos, lembrou episodios do seu activismo feminista e galeguista como as gravacións para a emisión do espazo Sempre en Galicia na emisora uruguaia Radio Carve ou a organización de actividades e eventos culturais para recoller fondos para a musealización da Casa da Matanza de Padrón para a que enviaron 60.000 pesetas desde o pais sudamericano.

Tamén lembrou a súa militancia antifascista e a colaboración con representantes do goberno español no exilio tras o golpe de Estado do 36. Nese sentido explicou que a chegada de exiliados foi determinante para a ideoloxizacion da comunidade galega instalada na contorna do Río da Plata, formada fundamentalmente por persoas traballadoras sen unha militancia política previa.

Efrén Castro aproveitou o acto para felicitar á autora polo Premio Facer País que vén de concederlle a Asociación Cultural Val de Láncara recoñecendo o seu compromiso galeguista.

“Decidín desvelar o proceso” presentación / Vicepresidencia Deputación