O Concello de Sarria, desde as concellerías de Igualdade, Cultura e Deportes, co fin de conmemorar o Día Internacional da Muller (8-M), contará con tres días de actividades de interese para todos os públicos.

Ademais da lectura do manifesto este venres 7 na Casa do Concello ás 13:30 horas, a partir das 20:00 h. terá lugar na Casa da Cultura a presentación do poemario AMOR(EXIA), de María Barrado García. 

O sábado 8 será a VIII edición da Carreira da Muller Vivas e Iguais ás 18:00h con saída na Praza da Igualdade, e o domingo 9 ás 13:00 h. a Banda de Música da Comarca de Sarria ofrecerá un concerto na Casa da Cultura dedicado ás mulleres.