O SacraFestival é unha cita multidisciplinar que une gastronomía, enoloxía, música, danza, cine e formación de novos talentos, con Residencias Artísticas e obradoiros formativos.
Na programación inclúense proxeccións, espectáculos de danza, rutas, catas de viños e concertos. Para os concertos contarase con Mercedes Peón e o músico Electropop Baiuca. En total, desenvolveranse 15 actividades divididas en diferentes puntos dos concellos de Chantada e O Saviñao, en espazos xa existentes, integrándose coa contorna, nunha aposta pola sustentabilidade.
Concerto de orquestRa de corda en Monforte
O Auditorio do Edificio Multiusos de Monforte acolle este xoves, día 25, a partires das 7 da tarde a celebración dun concerto a cargo da Orquestra de corda de grao profesional do Conservatorio de Música de Ourense, dirixida por Raquel Carrera Álvarez.
A Orquestra de Corda do Conservatorio Profesional de Música de Ourense está composta por alumnado do Departamento de Corda frotada do Grao Profesional, como materia obrigatoria do seu currículo e sendo as especialidades instrumentais que a configuran o violín, a viola, o violoncello e o contrabaixo.
Programa
- A. MOZART: Concerto para Piano e Orquestra en La M K.414, Allegro, Andante, Allegretto Piano: Dª Purificación Iglesias Pateiro
- J. HAYDN: Sinfonía nº 45 en Fa# menor (“Os Adeuses”), Allegro assai, Adagio, Menuet: Allegretto, Finale: Presto-Adagio
