O director xeral de Políticas Culturais, Anxo M. Lorenzo, participou este mércores, 12 de xuño, no acto de entrega de premios do concurso Selfie LIX de Galicia que tivo lugar no Centro Sociocultural Aurelio Aguirre de Conxo. O certame foi convocado pola Asociación Galega do Libro Infantil e Xuvenil, o Consejo General del Libro, o Consell Català del Llibre Infantil i Juvenil e o Galtzagorri Elkartea, para conmemorar o Día Internacional do Libro Infantil.
Os nenos/as participantes fixérono a través do seu centro docente ou biblioteca e a premisa era facer unha fotografía selfie na que se recreara un personaxe ou unha escena dun libro de literatura infantil ou xuvenil.
Das diferentes categorías nas que se participaba, Mara López Rivera, do CEIP Virxe do Carme de Sober, facíao na de lectores avanzados, para nenos/as de 4º a 6º de Primaria.
