A Asociación Cultural Amigos do Folión acaba de facer un chamamento para conseguir voluntarios que colaboren coa organización deste festexo chantadino. Esta oferta está dirixido a todos aqueles que non vaian en ningún carro pero desexen participar igualmente no Folión de Carros.
Será posible escoller entre tres quendas segundo a dispoñibilidade de cada un: mañá, tarde e noite; e as tarefas a realizar son, sobre todo, loxísticas. Dende o encintado do percorrido, á distribución de documentación entre os membros do xurado, dende a A.C. Amigos do Folión destacan que serán labores “moi asequibles”.
Manuel Vázquez Regal, presidente da A.C. Amigos do Folión, sinala que a principal razón pola que precisan de axuda externa é o ritmo tan veloz ao que está medrando esta festa. “Gustaríanos que a xente nos axudara porque o Folión é de todos, dos negocios, da xente e de Chantada en xeral”, afirmou Vázquez Regal, e engadíu que “se queremos que o Folión siga medrando temos que facer un esforzo voluntario entre todos“.
Todos aqueles que queiran participar do Folión como voluntarios poderán facelo enviando un correo electrónico ao enderezo amigosdofolion@gmail.com ou a través do seu Facebook.
