InicioCulturaArtelemos bate récord de participantes

Artelemos bate récord de participantes

A mostra de artesanía monfortina celebrarase entre os días 3 e 7 de agosto.

Publicado o

- Advertisement -

A edición número 21 da mostra de artesanía Artelemos terá lugar en Monforte do 3 ao 7 de agosto. Este evento, que serve como prólogo das Festas Patronais da localidade, traerá a rúa do Cardenal artesáns de todo tipo e actividades para os máis cativos. Nesta edición haberá 29 profesionais da artesanía amosando o seu traballo, dous máis ca no 2018 e 7 máis ca no 2017. Isto dá conta do crecemento que está a experimentar este evento, que naceu no 1996 e está xa consolidado.

Coma en anos anteriores, os artesáns agruparanse en carpas separadas de catro stands cada unha. Todos os postos contarán con tarima, iluminación e rotulación promocional e o horario de apertura será de once da mañá a once da noite.

Dende o Concello de Monforte afirman que o obxectivo de Artelemos é tentar “achegar a artesanía local e galega á xente da rúa“, cunha gran variedade de disciplinas. Nesta feira será posible atopar cerámica galega, coiro, cestaría, complementos e moda, entre outras. Tamén será posible ver en vivo a elaboración destes produtos, xa que haberá diversas demostracións.

A inauguración oficial da mostra terá lugar o sábado día 3 ás once e media da mañá. Ese mesmo día será posible acudir a unha demostración de Olería tradicional da Ribeira Sacra e os nenos poderán entrar en contacto con este oficio nun obradoiro de olería. O domingo haberá unha xuntanza de palilleiras e o luns un obradoiro de barro para nenos fará as delicias dos máis cativos. O martes a artesá Pilar gonda fará unha demostración dunha peza de lá fieltrada e o mércores, como peche da mostra, un artesán fará unha demostración de Olería de Gundivós.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...