O domingo 8 de xullo ás 21:00 horas, na adega de Rectoral de Amandi, os amantes da música celta teñen unha cita cun dos gaiteiros máis internacionais da época, Carlos Núñez. As entradas están a venda en ataquilla.com

O alcalde de Sober, Luis Fernández Guitián, destaca con certa fachenda a presenza na localidade do músico e compositor galego que no ano 2014 foi o pregoeiro da Feira do Viño de Amandi. “O sábado da feira do viño daquel ano ofreceu un concerto inesquecible en Cadeiras. Foi unha visita que temos gravada na retina, polo que agradecemos que volva e encha a Ribeira Sacra coas súas notas”.