O virtuosismo e o humor de ‘Odaiko’ en Sarria

A formación, integrada por percusionistas multidisciplinares de reputada traxectoria, repesentará o seu espectáculo "Invención" este venres 16 de agosto na Praza da Vila.

Odaiko nunha actuación. Fonte: Facebook do grupo

A proposta artística deste grupo galego céntrase na exploración da música tradicional multiétnica -na súa variante percusiva- faceta pouco traballada pola dificultade que supón a diversidade técnico-musical. Nas actuacións en directo destacan polo seu virtuosismo, o enxeño, o humor e a interacción co público.

No desenvolvemento do espectáculo podemos atopar instrumentos de orixe oriental (odaikos, gongs, táboas),  africanos (djembé, sabar, dum-dum), latinoamericanos (congas, bongos, maracas, caixón), galegos (bombo, pratos, tamboril, tarrañolas) e instrumentos de creación posterior como a marimba, vibráfono ou batería.

Odaiko chega ao Concello de Sarria con “Invención“, unha proposta escénica que leva varios anos de xira por Galicia. A actuación, cofinanciada polo Agadic e o concello, será este venres 16 de agosto na Praza da Vila ás 21:30 h. 

En “Invención”, a imaxinación e a creatividade son pezas fundamentais para a creación de novos obxectos e búsqueda de solucións ás que o ser humano se ten que enfrontar no día a día. Pasando por moitas invencións, dende as máis sinxelas ata as que resultaron ser froito da industrialización coa introdución do plástico, sempre chegamos á conclusión de que o futuro é reflexo do pasado e, por tanto, a conexión e o equilibrio entre o tradicional e o moderno está sempre moi presente.

DEIXAR UN COMENTARIO

Please enter your comment!
Please enter your name here