A Bilioteca Municipal de Chantada programa interesantes actividades dirixidas a público infantil para os vindeiros xoves 3, 10, 17 e 24 de outubro ás 17:00 h. As mesmas están enmarcadas nos Ciclos Ler Conta Moito e Ler Conta Moito en Igualdade, programas de fomento da lectura financiados pola Xunta e o Concello de Chantada.

O vindeiro xoves 3 de outubro chega o espectáculo divulgativo-musical “Conto para escoitar mentres bailamos un valse”, unha das alternativas narrativas que ten no catálogo “A trastenda dos contos” o contador Caxoto.

De que vai a actividade?

Preséntasenos a un dos grandes directores de orquestra do mundo. Dende o seu habitat natural (o escenario) conta a historia de como unha das integrantes da súa orquestra chegou a interesarse pola música e cal foi o instrumento musical que quería aprender a tocar.