O martes 19 e o xoves 21, todos os que se acheguen a Monforte, poderán gozar de dúas xornadas de celebración e música no Conservatorio de Música Profesional Mestre Ibañez da localidade.
Deste xeito, o martes 19, ás 19:00 horas, celebrarase o festival de fin de curso. O evento será a cargo do alumnado do conservatorio, nas especialidades de violín, guitarra, clarinete, frauta, saxofón, tuba, trombón de varas, trompeta e percusión en modalidade de individual, dúo e en pequenos grupos de cámara. Neste concerto tamén actuarán os grupos de preconservatorio, coro e orquesta que interpretarán obras de autores clásicos e contemporáneos.
O xoves, 21 de xuño, entre as 19:00 e 21:00 horas, os alumnos do conservatorio celebrará a VI Xornada do Conservatorio na Rúa. O acto celebrarase ó mesmo tempo entre as rúas Cardeal e Hermida Balado. Trátase dunha mostra musical ó aire libre que pretende dar a coñecer a actividade que se realiza dun xeito distinto, procurando a formación integral do alumnado e intentando crear, ó mesmo tempo, un ambiente musical no centro da cidade.
