O comezo oficial dos festexos terá lugar esta noite a partir das 20:30 h. co pregón da artista sarriana Violeta Bernardo. A continuación, tirada de foguete e actuación de diferentes formacións na praza da constitución: coral de Sarria, banda municipal, asociación peleiriños e asociación meigas, trasnos e cabezudos. A cita co grupo “DEVACAS” será a partir das 22:30 h na praza de Santa Mariña.
O venres tócalle o turno ao humor, primeiro co espectáculo infantil “Saaabor!” no Paseo do Malecón ás 19:00 h. e despois co espectáculo de humor “O Recuncho da Comedia” que este ano contará coa presenza de Xosé A. Touriñán, David Perdomo e Ledicia Sola. Será na Praza da Vila ás 21:30 h.
O mesmo venres a partir das 23:30 h. dará comezo na Praza da Vila o Festisar 2018 coa actuación dos grupos: “Los Literales”, “R.A.S.” e “Acapulco 94”.
Para a fin de semana animación infantil e inchables para os máis pequenos, concursos de saltos acrobáticos, Food Trucks, actuacións musicais en horario de sesión vermú en diferentes puntos da vila e concertos moi interesantes para a noite. O sábado a partir das 23:00 h. actúan os grupos tradicionais “Eoas” e “Tiruleque” tras unha queimada popular e o domingo ás 22:30 h o mítico grupo Siniestro Total.
Para domingo destacar tamén dúas interesantes propostas, o espectáculo infantil “A chungatrona” a cargo de Peter Punk, no parque do Chanto ás 19:00 h. e o espectáculo “Os sons esquencidos” do músico sarriano Abraham Cupeiro na Praza da Vila.
Xoves e domingo noite haberá verbenas amenizadas por grandes orquestras e para consultar o programa ao detalle visitar a web do concello.
