HomeCulturaOs catamaráns da Ribeira Sacra volven acender motores

Os catamaráns da Ribeira Sacra volven acender motores

As rutas polos Canóns do Sil e do Miño cada ano van gañando máis adeptos pola fermosura do percorrido. Durante a viaxe, os visitantes van acompañados dun guía turístico que explicará en todo momento as diferentes paisaxes, monumentos e localizacións que se están a ver

Publicado o

- Advertisement -

As Rutas Fluviais da Deputación volven estar dispoñibles durante os meses de xullo, agosto e mediados de setembro.

Como novidade, este ano vanse ampliar os horarios de visita e habrá 3 viaxes por ruta e día. Para poder gozar deste paseo informativo, os interesados deberán facer previamente a reserva a través do correo electrónico catamaranes.turismo@deputaciondelugo.org, da páxina web reservas.rutasembalses.es ou chamando ao teléfono 982.26.01.96

Actualmente quedan 4.100 prazas dispoñibles para realizar estas viaxes, das cales 2.525 corresponden ó canón do Sil e 1.575 ó do Miño, que representan o 16% do total de prazas ofertadas para a época estival. O Deputado de Turismo Eduardo Vidal destaca que “estas rutas fluviais sempre superan as expectativas de ocupación, de feito, este mesmo ano en marzo a tempada arrincou con 5.600 reservas, un 13% máis que no mesmo período no 2017”.

rutas e horarios

En ambos casos, as rutas teñen o mesmo horario; ás 11:30 horas da mañá, ás 16:30 e ás 19:00 horas de luns a domingo.

A ruta fluvial polos canóns do Sil ten unha duración de 2 horas. A travesía, que comeza no embarcadoiro do Cube Náutico de Doade, permite gozar dunha paisaxe de viñedos da Denominación de Orixe Ribeira Sacra cultivados en pendente de gran desnivel, así como a zona escarpada e vertical do canón. Nas súas proximidades pódense visitar bodegas, miradoiros, diferentes construccións relixiosas de estilo románico e a cerámica de Gundivós, caracterizada pola súa cor negra.

A ruta polo Miño ten unha duración de 1 hora e 45 minutos. A viaxe comeza no Clube Naútico de Belesar e percorre o río polo encoro dos Peares ata a área recreativa de Maiorga, Pantón, pasando polo meandro coñecido como Cabo do Mundo. Desde esta embarcación pódese observar a ambas marxes do río os bancais de viñedos da zona entre os que asoman igrexas e pobos. Os arredores tamén contan con bodegas que se poderán visitar e interesantes rutas para facer sendeirismo.

ÚLTIMAS

Comeza a elaboración do IV Plan de Igualdade de Oportunidades entre Mulleres e Homes do Concello de Monforte de Lemos

A necesidade de elaboración deste documento xustifícase porque tras as conclusións acadadas na Avaliación...

Sober prepara a XXIII Festa das Avoas e dos Avós

O Concello de Sober organiza un ano máis o acto festivo que homenaxea e...

Colócanse en Monforte 128 trampas para velutinas

A voceira popular, Katy Varela, destaca que grazas ao trampeo manual realizado pola Xunta...

Ampla axenda cultural para celebrar o ‘Día Internacional dos Museos’ na Rede Museística Provincial

Os catro museos da Rede Museística Provincial --Museo Provincial de Lugo, Museo do Mar...