Os días 17 e 18 deste mes de outubro estaban programados dous pasarrúas a cargo da Banda de Música de Sarria dentro da programación do ciclo “Experiencias no Camiño Francés”. O sábado 17 ás 18:30 h. e o domingo 18 ás 12:30 h. tiñan previsto facer sendos percorridos por diferentes rúas de Sarria.

Nun comunicado do concello informan que non se poderán facer alegando motivos de loxística no que se refire aos ensaios, pois tratándose dun grupo tan numeroso de músicos e músicas non é factible nestes momentos.

A alternativa musical, que se limitará ao domingo 18, correrá a cargo da Asociación Cultural Peleriños que fará un percorrido polo Camiño de Santiago saíndo dende a Antiga Prisión ás 11:30 h. pasando pola Oficina de Turismo, pola Rúa Maior e polo Malecón.

A mesma formación fará ‘doblete e estará en Oural ás 13:00 h. para levar a música tradicional polas rúas desa localidade.