O sábado, día 26, o grupo Troula animará as rúas de Quiroga co seu espectáculo “A Luz do Camiño”. O espectáculo que comezará ás seis da tarde no Auditorio Municipal e rematará nas inmediacións da casa consistorial, incluirá zancudos, moita luz e música.
O luns, día 28, haberá unha nova actividade. Trátase do espectáculo circo para público familiar GHOP!, a cargo de Teatro Ó Cubo. Esta actividade, patrocinada pola Deputación Provincial, terá lugar no Auditorio Municipal a partir das 18:00 h .
E finalmente o mércores día 30 de decembro, tamén en colaboración coa Deputación Provincial, a través do programa “Miudos seráns”; levarase a cabo a representación da obra “O Vixiante dos soños” a cargo de Ubu Teatro. Esta obra, dirixida a público infantil e familiar, terá lugar ás 18:00 h no Auditorio Municipal.
