O equipo de alumnas do IES A Pinguela vén de clasificarse para a fase final
do nivel de ESO do Parlamento Xove. O equipo formado por Eva, Aldara,
Gabriela e Area, de 3º ESO A, foi vencedor dos tres debates que tiveron por
tema “Debería un estado establecer como obrigatoria a vacinación entre a súa poboación?”.

En dúas ocasións defenderon que si e noutra que non, demostrando unha preparación moi sólida nas dúas posicións. O IES A Pinguela quere felicítaas polo traballo realizado durante a fase clasificatoria, e augúralles tamén un excelente resultado na fase final, que para esas, esperan desde o centro poda ser presencial para debater cos outros sete equipos finalistas no Parlamento Galego.