Dorothé na vila trata as historias de vida detrás do Cancioneiro Popular Galego, un dos cancioneiros máis importantes e recoñecidos, froito do traballo de investigación e recollida da musicóloga suíza Dorothé Schubart.
Despois da proxección haberá un coloquio moderado por Iván Patiño no que participarán os directores da longa, Alejandro Gándara e Olaia Tubío. No evento tamén haberá unha pequena mostra musical a cargo dos Cantareiros de Cántigas e Frores.
A actividade dará comezo ás 19:00 h no Salón de Baile do Ateneo Casino. A entrada é gratuíta, previa reserva xa que as prazas son limitadas. Trátase do primeiro evento presencial do ano na nova etapa do Ateneo Casino como centro cultural plural e aberto.
A programación continuará a semana próxima cunha exposición a cargo da Asociación de Palilleiras da Ribeira Sacra. En abril, mentres o permitan as circunstancias sanitarias, hai programado un concerto de Gonzalo Herrero e Lorena do Val, a obra teatral Costureiras, e máis actividades que o Ateneo desvelará proximamente.
