InicioCulturaXornadas de intercambio, confraternidade e romaría

Xornadas de intercambio, confraternidade e romaría

Os campos de traballo da Pobra do Brollón e do concello de Pantón coñecerán os seus respectivos labores e os seus rexedores xantarán xuntos este venres na Romaría de San Lourenzo en Cereixa.

Publicado o

- Advertisement -

O campo de traballo arqueolóxico do Castro de San Lourenzo no concello da Pobra do Brollón visitará este mércores pola tarde o campo de traballo Rota do Románico de Pantón mentres que o venres 10 serán os rapaces de Pantón os que pasen o día no Castro de San Lourenzo.

A visita coincidirá coa Romaría de San Lourenzo, celebración que cada ano dá máis protagonismo ás potencialidades do Castro e que nesta ocasión contará con dous días de actividades.

O alcalde da Pobra do Brollón, Xosé Lois Maceda, quixo aproveitar este intercambio entre os campos de traballo para convidar a xantar ao alcalde de Pantón, José Luis Álvarez, que aceptou a invitación.  A iniciativa do intercambio foi promovida polos propios campos de traballo para afondar na transferencia de coñecementos de carácter cultural e na promoción dos territorios e das súas potencialidades.

A Romaría de San Lourenzo, que ten como eixo principal a divulgación arqueolóxica e a valorización do patrimonio,  ten un carácter festivo complementario con diferentes actividades para todos os públicos. A maioría delas desenvolveranse no lugar de Cereixa pero algunhas do sábado 11 realizaranse na Área recreativa de Samugueiros na Pobra do Brollón. O programa completo é o seguinte:

Venres 10 

11.00 Misa

11.30 Procesión

13.00 Vermú arqueolóxico

Xantar

16.00 Obradoiros arquelóxicos

18.00 Obradoiro de baile tradicional (Rebeca Tallón Armada e Roberto Rodríguez Páramo)

19.00 O Garabelo

20.30 Cea popular

22.00 Concerto de blues no Castro

23.00 Observación das bágoas de San Lourenzo

00.00 Verbena

Sábado 11

11.00 Recreación de Campamento romano a cargo da Asociación Pax Romana do Arde Lucus. Obradoiros e exhibicións

Andaina á feira da Pobra do Brollón polo Camiño de Inverno

17.30 Espectáculo “Mar adiante! Filipa cos contos” (Monicreques con Hermanager Producións e Fran Campos, Cia Bandullo Azul) na Área recreativa de Samugueiros

18.30 Concerto Ukestra do Medio tamén en Samugueiros.

Cartel da Romaría de San Lourenzo 2018

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...