HomeCulturaA candidatura da Ribeira Sacra a Patrimonio da Humanidade a debate no...

A candidatura da Ribeira Sacra a Patrimonio da Humanidade a debate no Ateneo Casino

Este venres 23 ás 20:00 o Ateneo Casino organiza unha charla sobre a candidatura da Ribeira Sacra a Patrimonio Mundial da UNESCO a cargo do coordinador da candidatura, Mario Crecente.

Publicado o

POR
Redacción
- Advertisement -

A charla inicia unha serie de eventos entorno á Ribeira Sacra que se programarán ao longo do ano no Ateneo Casino xa que, segundo comenta a súa presidenta María Loreto G. Cabanas, “estamos nun momento determinante para o futuro do territorio onde vivimos e desenvolvemos a nosa actividade”.

Crecente falará dende unha perspectiva persoal dos antecedentes e evolución conceptual da candidatura de Ribeira Sacra a Patrimonio Mundial da Humanidade, da importancia do proceso e dos logros acadados ata o momento. Durante a charla servirase unha selección de viños comentados da Ribeira Sacra, a cargo da Adega Algueira.

A asistencia á charla é gratuíta, previa reserva xa que as prazas son limitadas para cumprir coas medidas sanitarias. As reservas fanse no teléfono 648 435 033, preferiblemente por WhatsApp.

Mario Crecente é doutor arquitecto pola Universidade da Coruña e docente en diversos másters. Desenvolveu o seu labor tanto na administración pública como no ámbito privado. No ano 2000 creou Crecente Asociados, a partir da experiencia en administración nos campos de Patrimonio, Urbanismo e Turismo.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...