O Grupo Municipal do PP en Monforte denuncia que o goberno local continue sen abrir o baixo do hotel Comercio como centro de recepción aos peregrinos e se paguen 300 euros ao mes para mantelo pechado. Segundo os populares o alcalde, José Tomé, torpedea constantemente o que ten que ver co Camiño de Inverno; por eso está o centro de recepción pechado en tempada alta e cos camiños municipais que forman parte da ruta na súa entrada a Monforte en mal estado, cheos de maleza e auga; ofrecendo unha mala imaxe do municipio.
Julia Rodríguez do PP monfortino asegura que levan moito tempo denunciando o mal estado do Camiño de Inverno ao seu paso por Monforte e que agora no verán, súmanse a esas críticas os usuarios, coas queixas que fan nas redes sociais, principalmente no grupo do Facebook Camino de Invierno.
Segundo os populares locais a Xunta podería ter colaborado en solucionar algunha deficiencia, como está facendo noutros concellos limítrofes, pero no caso de Monforte nin se ten solicitado esa colaboración. Para Julia Barreira eso é un claro sinal de que o rexedor local, José Tomé, e o seu equipo non queren ver a trascendencia presente e futura desta ruta de peregrinación e as repercusións positivas que ten e terá para todo o territorio.
