A exposicón de calendarios poderá visitarse do 10 ó 31 de maio no baixo da Biblioteca Pública Municipal do Saviñao, de luns a venres en horario de 10 a 13.30 e de 16.30 a 19.30, coas mesmas restricións de acceso que o resto das instalacións: máscara, distancia de seguridade e uso de xel hidroalcohólico dispoñible á entrada.
A mostrs é un proxecto de ciencia, no sentido amplo da palabra, pois inclúe astronomía, xeoloxía, bioloxía… pero tamén historia, arqueoloxía, literatura. De fotografía, ao artellarse ao redor dunha imaxe fermosa do ceo, ou didáctica, ou curiosa. E de cultura, porque o coñecemento científico tamén é cultura. Coñecer a nosa contorna permítenos comprender mellor quen somos e de onde procedemos, proxectándonos cara o futuro. Pero tamén permítenos valorar mellor os ceos doutros lugares.
