A publicación xa saíu a finais do pasado ano, pero non foi posible realizar antes a súa presentación polos problemas derivados da COVID. O libro ditado pola Asociación Camiños a Santiago pola Ribeira Sacra e baixo a dirección da presidenta, Aida Menéndez Lorenzo, conta cunha subvención do grupo do GDR Ribeira Sacra- Courel. Editándose 350 exemplares que se poderán adquir na librerías de Monforte e na web www.caminodeinvierno.com

A publicaciónde de 148 páxinas, comprende diversos artigos sobre o patrimonio material e inmaterial ao redor do Camiño de Inverno, ademais dunha ampla memoria fotográfica sobre as principais actividades realizadas pola Asociación no último ano para divulgar este roteiro xacobeo.

Desde a Asociación agradecen a colaboración de quen fixo posible esta publicación abrindo cos seus coñecementos e perspectivas, novos horizontes que axudan a comprender a gran riqueza patrimonial que envolve a este itinerario:

• Begoña González Aguiar: (Arqueóloga, Doutora en Historia) “Principais características dos petróglifos situados nos concellos de Pantón, O Saviñao e Chantada”
• Antonio Castro Voces ( Lcdo. en Xeografía e Historia, Membro do Instituto de Estudos Valdeorreses- IEV): “O Camiño de Inverno por Valdeorras”.
• Mª Elena Guntiñas Rodríguez (Catedrática de Ciencias de E.S e doutora pola USC): “Se o chan que pisades peregrino falásevos“.
• José Espinosa Sánchez (Profesor de Ciencias de Educ. Secundaria, I.E, S de Quiroga): “Camiñando por Quiroga entre oliveiras galegas”.
• Francisco Singul (Historiador, S.A. de Xestión do Plan Xacobeo): “A importancia do viño na peregrinación medieval a Santiago de Compostela“.
• Luís Blanco (Director do Museo do Ferrocarril de Monforte- MUFERGA): “Monforte de Lemos, berce da tracción vapor en Galicia”.
• Isabel Aguirre Urcola (Arquitecta, Directora da Escola Galega de Paisaxe da fundación Juana de Vega): “O Camiño de Inverno na paisaxe da Ribeira Sacra”.
• Luis Fernando Pérez Méndez (Profesor de Educ. Secundaria- Lcdo. en Filosofía e Ciencias da Educación): “Unha igrexa románica no Camiño de Inverno. A igrexa de San Juan de Camba-Rodeiro”.
• Víctor Vázquez Portomeñe (Exconselleiro de Cultura da Xunta de Galicia): “O valor inmaterial dos Camiños de Santiago”.
• Olga Novo: (Escritora-Premio Nacional de poesía 2020): “Pregón nas 20 Feiras do Libro de Galicia celebrada en Monforte de Lemos (28-08-2019)“.
• Francisco Javier Rodríguez Medela (Historiador e Xerente do GDR Río Miño-Ulla): “Folión de carros, orixe e tradicción”.
• Jimena Martínez Quintana e Francisco M. Balado Insunza (Asociación de Municipios do Camiño de Inverno): “Ponferrada, municipio xacobeo”.
• Aida Menéndez Lorenzo (Lcda. Psicopedagoxía-Presidenta Asoc. Camiños a Santiago pola Ribeira Sacra): “Actuacións e actividades da Asociación dende setembro de 2019 a setembro de 2020”.

A imaxe de portada do libro é unha fotografía titulada “Entre cruces”, gañadora dun accesit do III Concurso de fotografía do Camiño de Inverno que organiza a Asoc. Camiños a Santiago pola Ribeira Sacra. A autora, Mª Teresa Hernández Merino, é unha salmantina que soubo captar o Camiño milerario de peregrinación que leva ata ata a ermida de Nosa Señora de Faro, enmarcardo por un espeso bosque e as 14 cruces do Vía Crucis, nun día de espesa néboa que incrementou a súa maxia e misterio.