Xa se coñece o cartel do ‘Folión de Carros de Chantada 2021’

O pasado venres 25 de xuño, ás 21:00 h., foi presentado diante da Casa da Xuventude.

Presentación do cartel xunto coa autora. Foto: Concello de Chantada

A autora gañadora do concurso de carteis do Folión de Carros de Chantada 2021 foi a veciña carroceira Belén Vázquez Caseiro, cun cartel pintado con pincel e pintura acrílica que representa moi ben esta tradición tan arraigada en Chantada.

A obra gráfica, ademais de ilustrar os bois, os oficios e os carros, tamén dispón dunha folla de vide porque no Concello de Chantada a colleita da uva e o viño tamén son moi importantes.

Cartel. Autora: Belén Vázquez Caseiro

O concelleiro de Cultura, Manuel Diéguez, valorou o traballo da Asociación Cultural “Amigos do Folión” durante todo o ano e lembrou que aínda que este ano non haberá desfile por mor da pandemia, si que se realizarán moitas actividades arredor do Folión de Carros de Chantada. O programa irase coñecendo dende o colectivo cultural en vindeiros días.

Algunhas delas que xa están en marcha son a elaboración de ‘Decorados de cartón’ para os escaparates e ventás, ao modelo carroceiro, e a confección de bandeirolas e estandartes, as primeiras para as rúas e as segundas para os balcóns. O centro Afachantada, por exemplo, está a colaborar nas actividades decorativas para este folión 2021

DEIXAR UN COMENTARIO

Please enter your comment!
Please enter your name here