Este sábado, 14 de agosto, finaliza ao grande a II Edición do Sarria Sorrí con dous espectáculos, un para público infantil en horario de mañá, e outro pola noite para público adulto.
O primeiro, para os máis peques, terá como protagonista ao coñecido clow e narrador oral Pedro Brandariz. Será de balde e realizarase na Praza de Santa Mariña ás doce.
Ás 21:00 h. e cun espectáculo para todos os públicos, toma protagonismo o gran Luís Piedrahita cun dos éxitos deste ano en Madrid. Directamente desde a Gran Vía Madrileña á Praza de Santa Mariña de Sarria chega un dos humoristas máis recoñecidos do estado polo seu particular estilo que se caracteriza polas súas brillantes e detalladas descricións do cotián.
Venda de entradas en Estanco Gallego, Casino, Meigallo e en Ataquilla.com
