A Deputación de Lugo colabora co financiamento do festival ‘Trece Roeis’, en Pantón, cunha achega de 4.200 euros para apoiar esta cita.

A institución provincial destacou que o evento contribúe á dinamización social, turística e económica da Ribeira Sacra. A colaboración materializarase mediante a actuación de Gin Toni’s este sábado, 21 de agosto.

O festival naceu en 2019 tras a cancelación do Festival do Castro e nesta edición, ademais de Gin Toni’s, poderase gozar de Sés, Xabier Vizcaíno e Fuego Street Band.