HomeCulturaA Roda actuará en Quiroga o 27 de agosto

A Roda actuará en Quiroga o 27 de agosto

O grupo de música tradicional galega A Roda actuará en Quiroga o venres 27 de agosto. A actuación patrocinada polo programa Xacobeo 20/21 da Xunta de Galicia forma parte da ampla oferta de actividades que o Concello de Quiroga programou dentro do Verán Cultural.

Publicado o

POR
Redacción
- Advertisement -

A Roda naceu no ano 1977 cando un grupo de amigos se xuntaba ao redor dunha mesa para cantar. O seu primeiro traballo converteuse nun superventas. Despois virían centos de concertos, numerosos premios como o da Crítica Galega ou a Medalla Castelao que recibiron o ano pasado e 17 discos avalan a traxectoria musical dun dos grupos máis populares galegos.

Cunha formación renovada e profesionalizada, pero conservando a esencia que a caracteriza dende os seus inicios, ofrecerán un concerto no que se mesturarán clásicos como “Pousa, pousa”, “O andar miudiño” ou “O gato”,  que os fixeron acadar os seus primeiros éxitos,  con outras moitas  cancións da súa ampla discografía.

A actuación terá lugar na praza da rúa Lago a partir das nove da noite, no mesmo lugar que a unha do mediodía actuará o cantante Jorge Ferre. Gran coñecido de Quiroga por ser vocalista en grupos como Cinema ou a orquestra Panorama.

Unha xornada musical que comezará pola mañá coa celebración da primeira Feira de artesanía e produtos locais, organizada pola Asociación Tarabelada.

ÚLTIMAS

O 12 de abril comeza un programa piloto para visitar as igrexas da Ribeira Sacra

A Ribeira Sacra coa maior concentración de arte románico rural de Europa é un...

A D.O. Ribeira Sacra no Salón Gourmets de Madrid do 7 ao 10 de abril

O Salón Gourmets, na súa 38ª edición, consolídase como o evento europeo de referencia...

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...