O Concurso está destinado a músicos/as, grupos e/ou bandas instrumentais e/ou vocais, de ata un máximo de 8 compoñentes, con traballos que versen tanto na recreación ou evolución de pezas tradicionais, como en pezas de nova creación que beban da música de raíz.
Para o desenvolvemento de Interritmos, primeiro terá lugar un concurso de maquetas en liña. De entre todos/as os/as participantes, un xurado profesional seleccionará seis finalistas que participarán nun encontro musical o 25 de setembro no Náutico de San Vicente do Mar, no Grove. Neste Encontro Musical, a través dunha actuación en directo, serán seleccionados dous grupos/artistas gañadores, que realizarán un circuíto
musical ao vivo nos territorios implicados.
Outra novidade nesta edición do INTERRITMOS 2021 é a celebración de coloquios e charlas que tratarán de distintos aspectos da evolución da industria cultural e da música tradicional, que contarán con figuras de relevancia no sector musical tradicional, así como coa presencia de profesionais dos medios de comunicación no eido da música. Estes coloquios e charlas, xunto coa actuación musical dos gañadores do concurso chegará a Ribeira Sacra-Courel os vindeiros 8 e 9 de outubro.
