Presentación do primeiro poemario de Juan Labaredas para abrir a programación de outono do Ateneo

Este venres, 1 de outubro, ás 20:30, o Ateneo Casino acollerá un acto poético no que o escritor, Juan Labaredas, presentará o seu primeiro poemario, titulado De Visu, Ese enigma inalcanzable.

Palilleiras da Ribeira Sacra exposición / Ateneo Casino

Juan Labaredas, heterónimo de Juan Manuel Rodríguez Pérez, é natural de Sober aínda que actualmente é veciño de Monforte de Lemos. Lector voraz, escribe dende os 13 anos, aínda que sen chegar a publicar.

Agora, baixo o selo Peruchela Edicións, saca á luz un poemario, unha colección de ‘instantes apresados’, inspirados na realidade cotiá. De Visu é unha lectura coa que o autor busca suscitar ‘a reflexión sobre nós mesmos e as nosas debilidades, coa parodia persoal como elemento vertebrador’.

Na presentación participarán a editora, Rocío Rodríguez e Marina Doutón,
amiga do autor. Convidarase aos asistentes a un petisco cun viño da adega
Terra Brava. O acto estará aberto á participación de quen se anime a recitar algún poema. A asistencia é libre, previa reserva no teléfono 648 435 033.

DEIXAR UN COMENTARIO

Please enter your comment!
Please enter your name here