En Fogos artificiais para violín os asistentes escoitarán algunhas das obras máis espectaculares, virtuosas e emotivas do S.XX. Grandes compositores universais como Prokofiev, Ravel ou Falla puxeron a mercé do violín o seu gran enxeño e creatividade. Infinidade de cores e recursos técnicos despréganse nestas pezas.
Miguel Múñiz nace en Riudarenes (Xirona) en 2001, despois dunha infancia adicada á música, aos dezaseis anos comeza os estudos de Grao Superior no Conservatorio do Liceu de Barcelona bolseiro pola Fundació Ferrer- Salat onde os finalizará este curso baixo a mestría de Corrado Bolsi. Alumno regular de Pavel Vernikov e Svetlana Makarova na Haute École de Musique de Lausanne como alumno de intercambio e na Academia Tibor Varga de Sion (Suíza) participou en diferentes festivais de Alemaña, Andorra, España, Italia, Portugal, Romanía, Rusia, Suecia, Suíza e Turquía.
Premiado en máis de vinte concursos nacionais e internacionais destacan os primeiros premios no XCVI Concurso Permanente de Mocidades Musicais de España (Madrid, 2020), no VI Odin International Music Competition (2021), no Concurso de Forum Musikae Valencia (2020), no IV Concurso de Violín de Barcelona (2019), no I Concurso Álvaro Parella ( Iniesta, 2018), no XVII e XVIII Concurso Instrumental Sant Anastasi (Lleida 2017 e 2018) e no XVIII Concurso de Novos Intérpretes Ciudad de Xàtiva (2018).
Programa
- Claude Debussy: Beau Soir
- Béla Bartók: Seis Danzas Rumanas
- Manuel de Falla: El Amor Brujo (I. Pantomima, II. Danza Ritual del Fuego
- Karol Maciej Szymanowski: Nocturno & Tarantella
- Eduard Toldrà: Sonetí de la Rosada
- Nikolai Rimski-Kórsakov: Le coq d’Or Fantasy
- Joan Manén: Danza Ibérica n.2
- Maurice Ravel: Tzigane