A Librería Pelayo de Monforte non deixa de organizar eventos e actividades a prol do galego e da actividade literaria. Unha das actuais iniciativas consiste en facer lecturas de textos poéticos en galego que tamén serven para dar a coñecer os 6 poemarios en galego xa publicados por Peruchela Edicións.

A vindeira actividade, a realizar este sábado 30 de outubro, consitirá en dar a coñecer o poemario de Urbano Arza Sánchez, “Maderoteca”. Entre as 10:00 e as 11:30 h. virá a xente que queira participar das lecturas, que despois se retransmitirán en diferido nas redes sociais da librería. “Xa hai xente anotada pero aínda poden vir máis”, di Rocío Rodríguez, emprendedora e xerente de Librería Pelayo.

Segundo ela, o obxectivo principal desta iniciativa é “promocionar a fala e a escrita en galego, e de paso tamén dar a coñecer os poemarios que leva publicados Peruchela Edicións no labor de dar a coñecer o talento local”.

Estas actividades son posibles grazas a achegas da Consellería de Cultura, Educación e Universidade da Xunta de Galicia.

Se alguén aínda se quere anotar pode facelo chamando aos teléfonos 982 404442 ou 675038728.

O vindeiro 6 de novembro será a seguinte “lectura outoniza de poesía”.