HomeCulturaNadal en igualdade e visita dos Reis Magos en Bóveda

Nadal en igualdade e visita dos Reis Magos en Bóveda

O Concello de Bóveda presenta a súa programación de Nadal con actividades para todos os públicos e a visita dos Reis Magos. Haberá un campamento para nenos e nenas con dez prazas que dará comezo o día 22 e no que é preciso inscribirse previamente. Tamén se organizan actividades para nenos e adultos a partir do 23 de decembro.

Publicado o

POR
Redacción
- Advertisement -

Do 22 de decembro ao 4 de xaneiro haberá actividade infantís, cine e obradoiros para nenos e nenas a partir dos seis anos desde as 09:00 ás 14:00 horas.

Os días 23, 27, 29 e 4 terá lugar o campamento ‘Nadal en Igualdade’ con dez prazas que se cubrirán por orde de inscrición chamando ao teléfono 982 42 61 77 e que contará coas seguintes actividades:

  • 23 de decembro. ‘Mulleres pintoras’. Actividade orientada a visibilizar as obras de pintoras como Georgia O’Keeffe, Maruxa Mallo, Menchu Lamas ou Remedios Varo identificando os seus estilos pictóricos, coñecendo as súas obras e realizando un exercicio práctico de pintura cooperativa.
  • 27 de decembro. ‘Daniela Pirata’. Daniela Pirata é un conto que se fai eco da necesidade de cambio na sociedade. O conto preséntase como unha posta en escena (teatro) das probas que ten que ir superando para ser mariñeira.
  • 29 de decembro. ‘A Historia en feminino’. A través de contos, curiosidades e xogos tentamos visibilizar ás mulleres e achegar referentes para apoderalas e que teñan unha visión máis real da Historia.
  • 4 de xaneiro. ‘Iguais e diferentes’. Espectáculo cociñado con maxia, contos e moitas sorpresas.

A maiores, os días 22, 28, 30 de decembro e 3 de xaneiro ás 11:00 horas haberá proxeccións de películas para educar en valores. O día 26 de decembro ás 18:00 horas haberá un concerto a cargo de ‘Tátara Trío’.

E o mércores día 5 ás 18:00 horas os Reis Magos de Oriente visitarán o Concello de Bóveda. Para poder participar na recepción será preciso inscribirse previamente. Todas as actividades se van desenvolver no Centro Sociocultural, agás a visita dos Magos de Oriente, que terá lugar na Casa Consistorial.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....