A Casa da Cultura de Sarria acolle este venres, 11 de marzo, ás 20.00 horas, a representación da obra “Libre coma os paxaros”, dentro do programación impulsada pola Vicepresidencia da Deputación de Lugo para poñer en valor a figura e obra da poeta coa colaboración de concellos e asociacións.
O domingo, 13 de marzo, a partires das 19.00h, a cita será na Casa da Cultura ‘Olga Novo’ da Pobra do Brollón, onde a actriz María Barcala interpreta a Rosalía de Castro nunha obra baseada nos textos da poeta e dirixida por Xúlio Lago.
O espectáculo é da consolidada compañía Teatro do Atlántico, en coprodución co Padroado da Cultura do Concello de Narón. A obra chega á Pobra do Brollón grazas á área de cultura da Deputación de Lugo. O acceso é de balde, previa reserva no teléfono 650 624 828.
