InicioCulturaFestival Sarria&Blues no Camiño do 4 ao 7 de agosto

Festival Sarria&Blues no Camiño do 4 ao 7 de agosto

Entre o 4 e o 7 de agosto celebrarase en Sarria a primeira edición do Festival Sarria&Blues no Camiño, un festival dedicado á música de raíz afroamericana co lema "Un cruceiro no crossroads"

Publicado o

POR
Redacción
- Advertisement -

O Festival Sarria&Blues no Camiño pretende unir dúas características representativas deste concello: o amor pola música e a herdanza do Roteiro Xacobeo. O blues, o rhythm and blues, o rock & roll, o soul e o resto de músicas de raíz afroamericana encherán as rúas sarriás de ritmo, cultura e diversión, con catro días de concertos, baile, conferencias, exposicións, presentacións de libros, poesía, cinema, actividades infantís e espectáculos rueiros, dirixidos a todo tipo de públicos.

O Festival ten vocación de cotinudade e ocupará diversos escenarios nos lugares máis emblemáticos da localidade. Durante a primeira fin de semana de agosto, artistas nacionais e internacionais converterán Sarria, en punto de encontro de persoas de todo o mundo, ao redor das músicas afroamericanas derivadas do Blues.

A organización pretende implicar neste proxecto á maior parte posible da sociedade sarriá, a través das súas organizacións culturais, sociais e veciñais.

O Festival está organizado polo Concello de Sarria e a Asociación Teixo e xurdiu por mor da celebración en agosto de 2021, da homenaxe ao polifacético artista Matías Moreno, falecido no nadal de 2020. Este espírito de homenaxe manterase no concerto central de festival, o do sábado día 6, que seguirá levando o nome de Matías Moreno Experience, e que servirá ademais para homenaxear a todos os compañeiros de viaxe que xa non están.

Sarria suma así unha nova cita anual á súa xa ampla oferta musical e cultural estival. O mito do crossroad, o cruzamento de camiños do blues, instalarase no quilómetro 111 do ancestral roteiro xacobeo, nunha experiencia tan integradora como o propio camiño.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...