HomeCultura"Quixote" no Multiusos de Monforte para público familiar

“Quixote” no Multiusos de Monforte para público familiar

O Concello de Monforte presenta este xoves, 28 de abril, ás 18:00 h, Quixote da compañía Pedras de Cartón, unha representación para público infantil e familiar que terá lugar no salón de actos do Edificio Multiusos.

Publicado o

POR
Redacción
- Advertisement -

A representación forma parte do calendario de actuacións teatrais do primeiro semestre do ano incluídas na programación da Rede de Teatros e Auditorios da Xunta de Galicia. O concello escolleu ademais esta obra para conmemorar o 23 de abril, Día do Libro.

“Quixote“ é un xogo cómico inspirado na coñecida obra de Cervantes. Un espectáculo para achegar os clásicos a toda a familia con humor e case sen palabras, no que Don Quixote viaxa polas terras de Castela co seu velocípedo, acompañado do fiel Sancho e un triciclo cargado de maletas.

Pedras de cartón traballa, desta volta, cunha estética inspirada no pallaso clásico e en clave de clown, afrontndo as escenas máis icónicas da novela, da relación antagónica entre Quixote e o seu escudeiro Sancho.

O prezo da entrada xeral para esta obra será de cinco euros para adultos e tres para público infantil. A venda de entradas farase dende unha hora antes da actuación, ás 17:00 h, e a entrada o salón de actos realizarase ás 17:45 h.

A seguinte obra do ciclo de teatro para público adulto programado polo Equipo de Goberno do Concello de Monforte será As que limpan da compañía A Panadería que terá lugar o xoves, 19 de maio, no Edificio Multiusos ás 20:15 h.

ÚLTIMAS

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...

Mitin dos socialistas en Quiroga e encontro en Taboada

Os candidatos do PSdeG ao Congreso e ao Senado por Lugo, Patricia Otero e...

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...