A Librería Agrasar de Monforte presenta o último libro de Antón Valcarce, intelectual da cidade do Cabe coñecido polas súas facetas literaria e musical.

A obra en cuestión é “Contos en tempos de peste e purgacións”, unha escolma de relatos e historias escritas durante os tres meses de confinamento do ano 2020 con motivo da pandemia. As historias aconteceron na década dos anos 70 e, segundo indica o autor, non verían a luz se non fose polo confinamento. Algunhas delas son froito da súa propia vivencia e outras foron recollidas do boca a boca da cultura oral.

A publicación chega da man da editorial Agrasar Editores, editorial que ten publicado outras obras de ámbito local como por exemplo: “Soños de Chicolate”, “O que non che contaron de Monforte”, “Contáronme que che contara”, “De Nápoles a Monforte polo inferno” e “Troitiña”.