InicioCulturaVolven as Foliadas Guímaras polas parroquias, o día 4 en Fornelas

Volven as Foliadas Guímaras polas parroquias, o día 4 en Fornelas

As foliadas organizadas polo Concello da Pobra do Brollón volven a xirar polas parroquias despois do parón pola pandemia. Este sábado 4 de xuño tócalle á parroquia de Fornelas, en colaboración coa Asociación Veciñal A Fonte da Freita.

Publicado o

POR
Redacción
- Advertisement -

No evento, bautizado polos organizadores como Foligrelo de Fornelas, ofrecerase caldo cortesía da Asociación Veciñal. Ademais haberá barra e cuncas á venda, o importe das cales destinarase ás festas da parroquia.

A foliada estará amenizada por Uns Gaiteiros, grupo formado por músicos da Pobra ou afíns. Ademais, por suposto, de calquera persoa que queira participar co seu instrumento.

O ciclo de foliadas guímaras polas parroquias é unha iniciativa municipal que naceu en 2019 coa idea de descentralizar a programación cultural dinamizando os locais sociais repartidos polo municipio.

Tras celebrarse en Salcedo, Óutara e A Ferreirúa, este “foligrelo” é a primeira foliada descentralizada que se celebra dende o parón pola pandemia.

A foliada será no local social en construción de Fornelas. Comezará a partir das 19:00 horas e o acceso é totalmente libre. En caso de chuvia, haberá un novo emprazamento en Fornelas, do que se informará nas redes sociais do Concello da Pobra do Brollón.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...