InicioCulturaPreséntase a nova edición da 'Guía da Ribeira Sacra'

Preséntase a nova edición da ‘Guía da Ribeira Sacra’

Será este venres 3 de xuño no Ateneo Casino de Monforte de Lemos.

Publicado o

POR
Redacción
- Advertisement -

Este venres, día 3 de xuño e a partir das 20.15 h., terá lugar a presentación e sinatura de exemplares da nova edición actualizada da “Guía da Ribeira Sacra”, no Ateneo Casino de Monforte de Lemos. Trátase dunha obra de Manuel Garrido e está editada por Edicións Xerais de Galicia. A primeira edición desta guía foi publicada no ano 2008, e agora preséntase a súa terceira edición renovada e actualizada.

O acto está organizado pola Librería Agrasar, de Monforte de Lemos.

SOBRE A GUÍA

Esta guía práctica da Ribeira Sacra dá a coñecer ao visitante os encantos que esta comarca foi gardando ao longo dos séculos. O amplo territorio da Ribeira Sacra, situado no corazón de Galicia, está recollido aquí de forma exhaustiva. Os ríos Miño e Sil son os protagonistas para o viaxeiro. A tradición dos viñedos e os seus ricos viños; os mosteiros e as igrexas, testemuñas do esplendor medieval; a potencia da súa natureza e as súas especies; a profundidade e fermosura dos seus bosques de carballos e castiñeiros; os seus encantadores carreiros; os seus pazos; as súas reitorais; e mesmo o seu acougo…, todo está recollido e documentado nesta guía práctica escrita por Manuel Garrido.

Excursións, consellos, turismo rural, roteiros, arte, historia, cultura, todo tipo de información práctica, mapas e fotografías abren esta guía ao visitante para descubrirlle unha das zonas máis fermosas da Península Ibérica.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...