HomeCulturaEl Semblante, Covid Love e Canibalismo, mellores curtas do Fancine de Lemos

El Semblante, Covid Love e Canibalismo, mellores curtas do Fancine de Lemos

A oitava edición do FanCine de Lemos celebrou a súa gala de clausura, onte sábado, na adega Algueira, no concello de Sober. Na gala entregáronse os premios ás curtas gañadoras seleccionadas polo xurado formado polo actor Chechu Salgado, a actriz Sabela Arán e o director do Sombra Festival, Javier García.

Publicado o

POR
Redacción
- Advertisement -

O acto que o Fancine de Lemos celebreba este 9 de xullo culminou unha tarde de programación para amantes do cine fantástico, coa proxección dunha sesión de curtas a concurso, ademais dunha mesa redonda con Xavi Pons sobre a era dos videoclubes. A actriz, Beatriz Serén, presentaría o acto de clausura no que estiveron presentes as autoridades dos tres Concellos implicados este ano no FanCine de Lemos,  Monforte de Lemos, Sober e A Pobra do Brollón, así como da Deputación de Lugo.

As curtas galardoadas foron:

  • O premio a mellor curtametraxe nacional foi para El Semblante. Foi recibido por Carlos Moriano, un dos directores xunto con Raúl Cerezo.
  • A mellor curtametraxe internacional foi Covid Love. O seu director, Rene Nuijens, estivo presente na gala a distancia a través dunha conexión telemática.
  • O premio a mellor curtametraxe galega foi recibida por Diego Aballe, Amanda Seijas e Fran Nogueira, os directores de Canibalismo.
  • Ademais, a curta Loop de Pablo Polledri recibiu unha mención especial. O xurado salientou da peza “a súa visión dunha sociedade que entra en bucle contada no formato da animación tradicional”.

O xurado valorou en xeral o “altísimo nivel das curtas finalistas” e a dificultade que supuxo para seleccionar as gañadoras. As curtas gañadoras proxectáronse este domingo pola tarde na Casa da Cultura Lois Pereiro de Monforte. E a programación completábase en Multicines Hollywood coas dúas últimas proxeccións desta oitava edición do FanCine, o filme de anime xaponés Belle, de Mamoru Hosada e a estrea en España de Feral do mexicano Andrés Kaiser.

Papel do audiovisual na economía

O Presidente da Deputación, José Tomé Roca, destacou no acto de clausura, o papel do audiovisual lucense como motor económico para a provincia. A cita, que conta cunha achega da institución provincial de 5.000€, xa é un referente do cine fantástico e de terror na súa oitava edición. .

“Fomentar as rodaxes de cine na provincia, como estamos a facer dende a Deputación de Lugo, supón crear actividade económica nos concellos, potenciar e difundir a súa imaxe no exterior e xerar un efecto chamada no turismo”, destacou o Presidente.

Tomé clausura Fancine / Deputación Provincial

José Tomé valorou que un ano máis o Fancine de Lemos “foi un escaparate da cultura, do cine e dos videoxogos. Recuperamos o pracer de ver películas e curtas ao aire libre, de lembrar longametraxes que foron éxitos fai anos e de achegarnos ás novas producións”. Tamén felicitou a Iván Patiño porque, “co seu traballo, non só fai realidade este Festival, senón que o está consolidando como unha cita imprescindible no mapa audiovisual galego e nacional”.

Destacou o Presidente a colaboración que a Deputación de Lugo presta ao sector audiovisual e lembrou que “nos últimos dez anos, dende a institución provincial colaboramos cunha trintena de películas, de series, de documentais e de curtas. Creacións, algunhas delas, que foron rodadas aquí na Ribeira Sacra, e que se están proxectando nas pantallas de toda España, como Life is Live, do director monfortino Dani de la Torre”.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...