InicioCulturaO cultivo da vide na Galiza e a Rosca de Sober

O cultivo da vide na Galiza e a Rosca de Sober

A Libraría da Proencia presenta a reedición traducida ao galego da obra de 1843, Observaciones sobre el cultivo de la vid en Galicia de Antonio Casares, Catedrático de Química e de Historia Natural. A publicación podíase adquirir durante a celebración da Feira da Rosca.

Publicado o

POR
Redacción
- Advertisement -

Esta edición en galego é tradución de Xesús Verao Pérez, profesor xubilado de Lingua Galega e viticultor, e conta cunha introdución de Mª Luisa Losada Sanmartín, historiadora da ciencia, colaboradora do Grupo de Física No Lineal da USC.

Inclúese no libro o discurso que Antonio Casares dá no Congreso Agrícola y de Pesca en 1886, publicado en 1887 na Revista de la Sociedad Económica de los Amigos del País de Santiago.

O libro foi promovido por un grupo do Colado do Vento, motivado pola “veciñanza das súas orixes familiares, mais tamén e sobre todo a enorme contribución que fixo á ciencia nos máis diversos campos do saber e a experimentación. Nomeadamente, no relativo á viticultura, o presente libro é a primeira catalogación de vides da nosa comunidade, feita con criterios ampelográficos, chamando a atención o rigor das súas análises económicas e técnicas e a honestidade da explicación dos resultados”.

Ademais da contribición imprescindible de Xesús Verao e de María Luisa Losada, este libro non vería a luz sen a organización e promoción de Alfonso Campos, a edición ao coidado de José María Lago e as ilustracións e apoio de Javier Vivirido.

Inclúe na cuberta e contra unha fotografía dun retablo do século XVIII da igrexa de San Vicente de Pinol (Sober) no que se representa a uva Albarello (oficialmente Brancellao), “a máis abundante na Galiza” na época que escribe Antonio Casares.

A obra presentarase próximamente en Sober e Monforte, podéndose adquirir na páxina web www.proencialibros.com e nos postos da Libraría da Proencia, este venres vendeuse na Feira da Rosca de Sober que nesta xornada repartiu máis de 2.000 racións de rosca de Sober con queixo.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...