InicioCulturaAlumnos de Monforte, O Saviñao e Sarria participan na English Week

Alumnos de Monforte, O Saviñao e Sarria participan na English Week

A Consellería de Educación promove, con este programa, a aprendizaxe do inglés en estudantes de 6º de primaria e de todos os niveis da ESO en nove centros de ensino da provincia da provincia, tres deles na zona sur.

Publicado o

- Advertisement -

Este outono os estudantes de 1º da ESO do CPR La Merced de Sarria, 2º da ESO do IES Río Cabe de Monforte de Lemos  e 6º de primaria do CPI Doutor López Suárez do Saviñao teñen a oportunidade de participar na English Week, organizada pola Consellería de Educación, Universidade e Formación Profesional. O programa supón a estadía dunha semana para aprender inglés no centro de inmersión lingüística dos Peares (Ourense), o único de España dedicado en exclusiva a esa finalidade.

Este proxecto de estadías semanais está enmarcado dentro da Estratexia Galega de Linguas Estranxeiras, EDUlingüe 2020. As estadías son de balde para as familias, asumindo a Consellería o custe dos gastos de docencia e material escolar, mantemento e aloxamento dos rapaces, contratación dos monitores que os acompañan, actividades culturais, complementarias e deportivas dos cursos, certificados e seguros correspondentes.

Os estudantes pasarán unha semana nun campamento con profesores e monitores nativos en inglés, onde compaxinarán as actividades formativas con outras de carácter lúdico. O obxectivo principal é proporcionar aos escolares unha actividade de inmersión lingüística que lles permita mellorar as súas destrezas de comprensión e expresión oral en lingua inglesa. Para iso, organízanse tanto actividades académicas coma outras de tempo libre e obradoiros, promovendo a comunicación en lingua inglesa entre os participantes. 

Para a selección dos centros participantes establécense unha serie de requisitos entre os que priman cuestións como os ámbitos rurais ou os contornos socioeconómicos menos favorecidos.

ÚLTIMAS

O Concello de Monforte apoia con 5.000 euros a participación de Eduardo Iglesias no Dakar

O piloto Eduardo Iglesias volverá competir no Rally máis duro do mundo e farao...

Que pasa no centro de saúde de Chantada?

O Concello de Chantada acordaba, no pleno celebrado en setembro, que o alcalde, Manuel...

Dous días máis de permiso para os traballadores do concello de Monforte pola coincidencia en domingo dos festivos de Nadal

As traballadoras e traballadores públicos do concello de Monforte poderán gozar de dous días...

A A.V. do Saviñao segue buscando solucións ás antenas de telefonía móbil

A asociación veciñal do Saviñao decide facer esta solicitude á Xefatura Provincial de Telecomunicacións...