Na feira internacional de Berlín para emprendedores mozos, os alumnos aproveitaron o tempo libre para coñecer distintos lugares de interese da capital alemana, como a Porta de Brandenburgo, o Parlamento alemán (Reichtag), o monumento memorial ós xudeos asasinados de Europa creado polo arquitecto Peter Eisenman, monumento á Victoria, Illa dos Museos, o tramo máis longo do muro de Berlín no East Side Gallery, o mítico Checkpoint Charlie, a catedral berlinesa, a Fernsehturm (Torre de Televisión, o edificio máis alto de Europa), a Gendarmenmarkt… así como o Campo de Concentración de Sachsenhausen, un dos máis importantes da Alemania Nazi , e un monumento conmemorativo ós soldados soviéticos en Treptower Park.
“Unha viaxe de interese para o fomento do emprendemento e a formación
económica, histórica e cultural do alumnado dos ciclos superiores da familia Administrativa”, sinalan desde o centro. Ao respecto da visita guiada coa historiadora, Manuela Sáez, ao Museo das Clarisas, destacan desde o IES, “Un luxo que agradecemos pola formación que aporta ós estudiantes e profesores e que estamos seguros será inolvidable para todos. Este museo de arte sacra, un dos máis importantes de Galicia, ocupa lgunhas salas do convento de Santa Clara de Monforte de Lemos, fundado en 1622 por Catalina de la Cerda y Sandoval, muller de Pedro Fernández de Castro, VII Conde de Lemos, que cando quedou viúva colleu os hábitos no dito mosteiro.”
A exposición alberga a colección máis importante de arte italiana do primeiro terzo do século XVII en Galicia. Desenvólvese en cinco salas nas que se expoñen magníficas pezas de pintura, escultura, pratería, marfil, téxtil, etc. adquirida polos condes durante a súa estancia en Nápoles e incrementada por importantes obras adquiridas en España. Entre as pezas máis destacadas destacan as esculturas do obradoiro de Gregorio Fernández, expoñente da Escola Castelá do século XVII, como o Cristo xacente nunha urna procesional, e dúas inmaculadas. Tamén teñen especial relevancia as pezas de ourivería do Renacemento italiano do século XVII, así como os relicarios das escolas italiana e castelá ou os bordados en seda das pezas de adorno e indumentaria litúrxica e de imaxe, probablemente procedentes dun monacal obradoiro do século XVII.
