Dende a sociedade explican que se puxo en marcha no curso 2019-2020 como un proxecto piloto. Daquela participaron 5 centros educativos de ensino medio; 3 de Monforte, 1 de Ourense, 1 de Chantada e 1 de Lalín así como tamén o Máster DEIN da facultade de  CCEE da USC. “Unha vez comprobada a boa acollida por parte dos centros, decidimos continualo despois dun parón polo COVID,  no curso escolar 2022-2023”, explica o seu coordinador xeral, Xosé Lois Lamazares.

A iniciativa divulgativa vai dirixida a alumnos/as de Ciclos Medios e Superiores de Formación Profesional, alumnado de último curso de Bacharelato e alumnos/as Universitarios para achegarlles a perspectiva de oportunidades que ofrece apostar pola economía social e aproveitar a contorna máis próxima e o ámbito rural para emprender.