O polifacético Xurxo Souto, cantante, acordeonista, actor, director e locutor de radio, visitará o Courel a vindeira fin de semana para asistir ao acto de presentación da Festa da Pisa 2022.

A Casa da Aira acollerá este evento, –organizado pola Asociación Fonte do Milagro— a partires das 18:30 h. e nel darase a coñecer a programación da XXII Festa da Pisa de Froxán de xeito oficial de cara á súa celebración o sábado 3 de decembro.

A continuación terá lugar unha conversa con Xurxo Souto, un habitual desta festa na que ademais xa foi pregoeiro, e ao remate farase un magosto no que non faltará a música tradicional.