InicioCulturaEste 23 de novembro preséntase Circular polo Saviñao IV

Este 23 de novembro preséntase Circular polo Saviñao IV

O Círculo Saviñao presenta este mércores ás 20.30 no local social, o libro IV de Circular polo Saviñao, publicación coa que esta sociedade quere conmemorar o seu 60 aniversario.

Publicado o

POR
Redacción
- Advertisement -

A presentación estará a cargo de Valentín García, Director Xeral de Política Lingüística; Juan Carlos Armesto, Alcalde do Saviñao; Olga Novo, colaboradora e Premio Nacional de Poesía 2020; e Enrique Sampil, presidente desta sociedade. Cada un dos socios do Círculo Saviñao recibirá gratuitamente un exemplar.

Circular polo Saviñao IV, o primeiro que se edita en cor, conta con numerosos e importantes colaboradores e amigos que participan con distintos artigos sobre arte, xente, historia, etimoloxía, patrimonio… do Concello e sobre as peculiaridades que fan especial a Ribeira Sacra e o rural destas terras de Lemos.

Algúns deses colaboradores son: Román Rodríguez González, Conselleiro de Cultura, Educación, FP e Universidades; Baldomero Iglesias Dobarrio (Mero), Mestre, cantante e escritor. Fundador dos grupos Fuxan os Ventos e A Quenlla; Xesús Alonso Montero, Catedrático de Lingua e Literatura Española. Foi presidente da Real Academia Galega. Membro do Consello da Cultura Galega. Ensaísta, sociolingüista e poeta; José de Cora Paradela, Xornalista e escritor. Foi director de El Progreso. Director xeral do Grupo El Progreso. Pertence á Asociación de Empresas Galegas do Audiovisual; ou Ramón José Yzquierdo Perrín, Doutor en Historia da Arte da Universidade da Coruña. Especialista na arte románica e protogótica galega. Académico da Real Academia da Historia, da Academia Galega de Belas Artes e da de Bellas Artes de San Fernando. Membro do Consello da Cultura Galega.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...