A Xunta de Galicia fará unha nova achega ao Colexio do Cardeal de Moforte de Lemos para restaurar o retablo da capela das Reliquias, elevando así o seu investimento en rehabilitación ata case 800.000 euros no últimos cinco anos.

En concreto, o Goberno galego destinará máis de 110.000 euros á devandita acción, que se adxudicará a finais de ano cun prazo de execución de nove meses.

Así o anunciaron este xoves o vicepresidente primeiro e conselleiro de Economía, Industria e Innovación, Francisco Conde, e o conselleiro de Cultura, Educación, FP e Universidades, Román Rodríguez, durante un acto no que se presentaron as obras realizadas na igrexa, o claustro e as zonas de visita pública deste ben.

Esta inauguración prodúcese despois das actuacións levadas a cabo para resolver as afectacións sufridas polo Colexio do Cardeal a raíz do terremoto de Lisboa de 1755, como gretas que, aínda que non comprometían a estabilidade das bóvedas, era necesario corrixir.