O vindeiro domingo 11 de decembro ás 17:00 h. haberá un concerto de balde na igrexa de Santiago de Vilar de Ortelle.
“Da man do dúo ALENDALÚA teremos o pracer de viaxar por medio da música á Idade Media”, explican dende a asociación Segredos de Pantón, entidade que coorganiza este evento.
A formación musical devandita chega dende Ourense, está composta por Irma Fernández Alonso e Juan Manuel Vázquez, e ofrecerá unha proposta musical con pezas de Afonso “O Sabio”, Martín Codax, e música sefardí, entre outras moitas. Empregarán o órgano portativo, percusión, oud, vihuela de man e cítola.
Organizan: Asoc. Cult. “Segredos de Pantón” e Parroquia de St. de Vilar de Ortelle, e colabora a Diócese de Lugo.