Quiroga contará cun novo servizo para a veciñanza. Trátase do proxecto “Biblioteca na Rúa”.

Este servizo, xa en funcionamento nalgúns concellos, consiste nunha casiña-biblioteca que contén libros para que os poidan usar todos os usuarios e usuarias e outra xente que o desexe. Ademais de coller libros está pensado para que aqueles que queiran poidan depositar os seus para que outra xente os lea.

O alcalde de Quiroga, Julio Álvarez, sinala “que se contará con dous destes habitáculos”. A súa colocación está aínda por determinar polo Equipo de Goberno, aínda que un deles podería situarse na zona do parque da Constitución por ser unha das zonas máis utilizadas para o lecer pola veciñanza.

En palabras do alcalde, esta iniciativa “crea un complemento máis para os espazos de lecer á vez que se saca a cultura á rúa”.