O Esmorga Fest, a cita que reunirá a todos os amantes da música indie e underground o 19 e 20 de maio en Sarria, anuncia os primeiros nomes que formarán parte do seu cartel.

Esas formacións que confirman a súa presenza no festival son as seguintes: Los Punsetes, The Parrots, Ghouljaboy, Yawners e Castro.

Tras o éxito de vendas inicial, esgotando o primeiro bloque de entradas a prezo de lanzamento –vendeuse en 15 minutos–, continua con outro bloque de 200 entradas ao prezo de 35€ para os dous días de festa. A cita contará co apoio de SON Estrela Galicia, o Concello de Sarria e a Vicepresidencia da Deputación de Lugo.