A librería Agrasar de Monforte acolle este sábado, día 4 de marzo, ás 12.00 da mañá a presentación do último traballo de Música miúda, unha cita especialmente destinada aos máis novos da casa.

O seu primeiro libro-disco editado por Editorial Galaxia chámase “Cambia o conto” e, en directo, buscan a interacción co público miúdo con moita festa. Neste proxecto combinan contos e cancións de creación propia, con especial fincapé na diversidade e a integración, e cunha perspectiva de xénero e de fomento da nosa lingua.

Na presentación farase un contacontos musical do espectáculo, dirixido á rapazada de 3 a 8 anos. A actividade é de balde con aforo limitado previa reserva no teléfono 982 40 45 42, ou no WhatsApp 698 19 06 76

“Houbo unha vez un lobo feroz e unha nena asustada. Houbo tamen unha avoa indefensa e unha madrasta malvada… Sempre a mesma leria… ou non? O próximo sábado, dámoslle a volta! Ven cambiar o conto connosco!”